Прекрасен чин: Машиновозач го запре возот за да спаси дивокоза од снегот

Жителите и туристите во Австрија не се единствените што се борат со големите количини на снег кој ја завеа алпската држава: видеото кое го објавија австриските железници (OeBB) покажува застанат воз и двајца работници на OeBB како спасуваат затрупана дивокоза.

Машиновозачот го застана возот во централниот дел на Австрија, во близина на Националниот парк Gesaeuse, откако  забележа дека од снегот сосема малку се гледаат роговите на дивокозата. Возот се врати наназад до дивокозата, а двајцата работници внимателно го откопаа животното.

Ослободената коза потоа низ длабокиот снег се упати назад кон дивината.