Gordon Ramsay стана татко по петти пат!

Англискиот кулинарски волшебник Gordon Ramsay (52) во четвртокот го доби петтото дете и брзо се пофали на социјалните мрежи. Неговиот син се вика Оскар, а со неговата објава насмеја многу луѓе.

– По три BAFTA и една Emmy, конечно добив еден Oscar. Посакајте му добредојде на Oscar Ramsay “, напиша тој. Следеа многу честитки до родителите и момчето, а фановите истакнаа како готвачот со ова им даде до знаење колку му значи неговото семејство.

– Секогаш го кажуваш она што го мислиш, некои поради тоа те сакаат и те ценат, а некои не. Но, поради ова, ти порасна во моите очи. Децата ги спореди со наградите! Малку е смешен начинот на кој го кажа тоа, но се е точно. Тие се и единственото нешто со што секој родител треба да се фали. Браво! – беше еден од коментарите.