И како девојче сакала да го промени светот: Се појави видео од Меган Маркл како на 11 години го кажува нејзиниот став!

Војвотката од Сасекс, за прв пат се појавила на малите екрани на само 11 години, а уште тогаш имала јасно дефиниран став и била склона да размислува феминистички.

Во овој период, Меган, заедно со своите соученици, имале задача да разгледуваат некои тековни реклами и да ги коментираат пораките што ги испраќаат.

Таа требала да размисли за тоа како жената е претставувана во нив и каква е нејзината позиција.

„Мислам дека не е во ред девојчињата да пораснат мислејќи дека мајките се оние што прават сè“, рече тогаш 11-годишната Меган, додавајќи дека во секоја трета реклама може да слушне нешто што може да повреди нечии чувства.

Училишната задача ја навела да напише писмо до компанијата Procter & Gamble во чија реклама се спомнуваат само жени. Оваа иницијатива се оствари, па компанијата на крајот направи корекција во рекламата, така што зборот „жена“ е заменет со „луѓе“.

И денес, таа се бори за правата на жените, како во развиени, така и во помалку развиени општества, а во тоа добива голема поддршка од сопругот Хари.