И се влоши здраствената состојба – Чувствувам болки во телото и едвај дишам

Американската пејачка, 26-годишната Ариана Гранде, повторно ги загрижи многубројните обожаватели, откако откри дека нејзината здравствена состојба се влошува. Имено, веќе неколку недели пејачката не може да го излечи грлото и да се ослободи од сериозната главоболка, а ситуацијата е сè полоша затоа што, како што и самата призна, лекарите сè уште не ја пронашле причината за сериозната состојба.

„Сè уште сум многу болна. Не сум добро од мојот последен концерт во Лондон во октомври. Не знам како е можно, но чувствувам неверојатна болка во вратот и главата. Можеби звучев добро, но чувствував силна болка и едвај можев да дишам за време на последното шоу. Бев на лекар и се обидуваме со сè за да се излекувам, но сè уште не ја најдовме причината “, откри младата пејачка на својот Instagram профил, однапред извинувајќи им се на многубројните фанови  дека постои можност да го откажале нејзиниот настап во Лексингтон.

Потсетуваме, Ариана уште во мај оваа година ги откажа своите концерти на Флорида, кои требаше да ги одржи како дел од нејзината светска турнеја „Sweetener“, затоа што ненадејно се разболе.