8 јули, 2020

Иако се зборува дека 22-годишната риалити ѕвезда и претприемачка, Кајли Џенер, ќе продаде поголем дел од нејзината сопствена компанија, Kylie Cosmetics, повеќето не веруваaт во тоа. За многумина, ова се чинеше како лудо озборување со оглед дека е еден од најпопуларните брендови за убавина и остварува огромен профит. Но, озборувањата се покажаа како точни, пренесува Daily Mail.

Имено, вчера беше потврдено дека beauty гигантот Coty Inc. плати 600 милиони долари за 51%  удел во „Kylie Cosmetics“, станувајќи мнозински сопственик на супер-популарната марка која ја започна Кајли Џенер, додека таа сега поседува само 49% од компанијата. Имено, најмладата, но исто така и најбогатата во кланот Кардашијан-Џенер својот бренд го лансираше во 2015. година и оствари светски успех во рекордно време, а нејзините производи честопати беа распродавани за само неколку минути по лансирањето.

Поради својата светска популарност, младата претприемачка би продала сè што би и „дошло во рака“. Таа неодамна соработуваше со француската модна куќа Balmain на лимитирано издание на производи за убавина, лансирајќи ја линијата за нега на тело – Kylie Skin, а брендот брзо ја претстави својата веб-продавница, создавајќи незамислив профит за многумина. Што ќе се случи со брендот сега кога Кајли нема мнозинска контрола останува да видиме.

View this post on Instagram

real chill like a sunday ?✨✨✨

A post shared by Kylie ♥️ (@kyliejenner) on

Остави коментар

Почетна // Sun Story // Неизвесната судбина на Кајли Џенер
Горе