Скандал во семејството Клуни: Осудена е на три недели затвор
Адвокатката за човекови права и сопруга на холивудскиот актер Џорџ Клуни, Амал Клуни, го негува имиџот на непогрешлива личност, која во јавноста внимава на секој нејзин чекор – од изјавите што ги дава до модните изданија во кои се појавува.
Сепак, нејзината сестра Тала Аламудин се чини дека ни најмалку не се грижи за мислењата на другите и е склона кон неодговорно однесување. Таа неодамна беше осудена на три недели затвор и 6.400 американски долари за неколку сообраќајни прекршоци. Кога ќе ослободена од притвор, ќе и биде одземена дозволата поради возење во алкохолизирана состојба.
Патем, шест години постарата сестра на Амал Клуни живее во Сингапур, мајка е на четири деца и е сопственик на модната линија „Totally Tala“. Нејзиниот адвокат изјави дека таа навистина се кае за тоа што го направила, но исто така и дека ги претрпува последиците од несаканиот публицитет.