Кристијан Бејл: Ако продолжам со драстичните актерски трансформации, ќе умрам

Актерството често подразбира неверојатни трансформации кои оставаат последици врз здравјето на актерите. Кристијан Бејл е познат по своите неверојатни трансформации: тој загуби скоро 30 килограми за улогата во „The Machinist“, додека за улогата во филмот „American Husler“ се здебели 20 килограми.

Тој неодамна призна дека заради своите години повеќе не способен за вакви трансформации.

– Постар сум и чувствувам дека ако продолжам да го правам тоа, ќе умрам. Па, не сакам да умрам, рече Бејл.

– Јадев многу крофни, чизбургери и се што ми беше при рака. Буквално јадев сè што ќе стигнам. Се здебелив речиси 20 килограми и сè уште работам да се ослободам од тие килограми “, рече тој веднаш по премиерата на „American Husler “.