Срамот на убавицата!
Кендал Џенер е цел на потсмев на целата планета, поради новиот деловен потег. Минатиот викенд, членовите на кланот Кардашијан-Џенер најавија дека Кендал ќе објави „сурова, храбра исповед која нема никого да го остави рамнодушен“.
Нејзината мајка, Крис Џенер, твитна дека „признанието“ на нејзината ќерка „ќе им помогне на луѓето ширум светот“ и дека е горда на храброста на својата ќерка, која „конечно ќе проговори за пеколот низ кој поминува од 14 години“.
Јавноста помисли дека којзнае за што станува збор, кога – замислете, Кендал има мозолчиња и сега рекламира средство за борба против нив!
Времето на оваа објава е внимателно планирано да се совпадне со доделувањето на Златните глобуси, бидејќи манекенката ја искористи можноста да потсети дека минатата година многумина ја критикуваа поради лошата шминка и проблематичната кожа.
Јавноста, особено на социјалните мрежи, ова „ длабоко признание што ќе им помогне на милиони“ разбирливо го дочека – на нож.