Спој на елеганција, функционалност и удобност
Ако постои едно парче облека што може да ги тргне фармерките од тронот, тогаш тоа се широките панталнои со висок крој. Ова парче облека има толку многу предности што веднаш ќе сакате да имате барем едни во вашиот плакар.
Прво, совршено се вклопуваат во секој стил. Исто така, тие одлично одговараат со рамни обувки (и елегантни и спортски), како и со високи потпетици.
Направени се од најразлични материјали, можете да одберете парчиња за на работа од класични материјали, но исто така и поелегантни ткаенини за свечени прилики или вечени излегувања, како свила, сатен …
Тие се толку популарни што ќе ги пронајдете во широк спектар на бои и дезени, од монохроматски, светкави до нежни цветни, така што секоја дама може да има едни кои се вклопуваат во нејзиниот стил.
Сепак, најголемата предност на широките панталони со висок крој и причина број еден зошто секоја жена ги сака – визуелно ги издолжуваат нозете и притоа изгледаат одлично на секоја фигура!