Beauty навика која не смеете да ја занемарите
Секоја жена се стреми за совршена кожа на лице, до која се доаѓа со соодветна грижа. Освен грижата, клучна улога во беспрекорниот тен има и здравата исхрана, но и еден чекор во beauty рутината, кој честопати неоправдано го занемаруваме, а на кожата и ги дава потребните свежина и сјај.
Многу жени не се свесни за важноста на пилингот и често го занемаруваат кога е во прашање beauty рутината. Сепак, пилингот ја стимулира регенерацијата на кожата, ги отстранува мртвите клетки кои се таложат на површината на лицето и ја подобрува циркулацијата, давајќи му на лицето свеж и буден изглед.
Затоа пилингот е незаменлив чекор во вашата beauty рутина, доколку сакате беспрекорен тен.
Одберете пилинг што нема силна, хемиска структура, или самите направете лесен, хранлив пилинг за темелно да ја исчистите кожата и да ја храните најмалку 2 пати неделно.
Експертите препорачуваат пилинг врз основа на мед, кој речиси одговара на секој вид кожа и длабински ја негува и храни, а потоа ќе имате беспрекорен изглед и тен како од сон.
Редовната употреба на пилинг ќе ги намали проблемите со митесери и акни, ќе го ублажи воспалението и ќе ја намали количината на себум. Покрај тоа, со користење на пилинг, длабински ја нгувате и храните кожата, и така секогаш ќе изгледа одлично.
Доколку имате многу чувствителна кожа, при изборот на адекватен пилинг, задолжително консултирајте се со дерматолог.