Најдобриот фризерски трик за фенирање

Ако имате проблеми со фенирањето и вашата коса многу често е непослушна, наместо да биде рамна и мазна, можно е да не го знаете златното фризерско правило…

Кога ја фенирате косата, заборавете на тоа да користите само топол воздух. Доколку до сега не сте запознаени за што служи копчето за ладен воздух, време е да дознаете.

Ладниот воздух од фенот е од суштинско значење за создавање стабилен волумен и одржување на косата рамна и обликувана.

Замете прамен од косата и повлечете го преку тркалезна четка (најмалку со 6 см дијаметар), додека ја фенирате косата во топол воздух. Потоа пуштете ладен воздух од фенот и продолжете со четката да ги обликувате прамените. На крајот, оставете ја четката во косата барем две до три минути, а потоа нежно извадете ја од праменот. Косата ќе биде убава, рамна и мазна.