Направете ги сами: 3 едноставни фризури
Секој од нас има барем една пријателка, која е експерт за да се нашминка безпрекорно, а со косата може да стори сé што ќе посака. Вие, од друга страна, едвај можете да исплетете обична плетенка.
Сепак, постојат неколку гламурозни фризури идеални за вечерните излегувања или посебни прилики, што навистина можете да ги направите сами и за неколку минути, а ќе изгледате како да сте поминале со часови на фризер.
- Beach локни
Оваа фризура изгледа како да бара часови и часови стилизација, а сè што ви треба се лак за коса и фигаро, за да ја задржите на место.
Не е потребно да ставате премногу лак, така локните нема да бидат многу цврсти и ќе можете лесно да ги преместувате од една страна на друга и во неколку чекори да направите различен изглед. Ова е одлична едноставна фризура, но совршено се вклопува во секој елегантен изглед.
- Висок реп
Високиот реп понекогаш е многу шик избор на фризура, а не постои ништо што е полесно да се направи. Ова е идеална фризура за сите типови на коса, а ги издолжува линиите на лицето и му дава потенок изглед.
- Елегантна пунџа
Едноставна пунџа, со која ќе изгледате многу елегантено и софистицирано, без многу напор. Подигнатата коса и откриениот врат се симболи на женската убавина, елеганцијата и сензуалноста и ова е идеална фризура за некоја свечена прилика.
