Дали подолгото викенд-спиење го „пополнува“ хроничниот недостаток на сон

Подолгото спиење за викенд „не го пополнува“ хроничниот недостаток на сон.

Личноста која подолго спие може накратко да се чувствува посвежо и поодморено. По неколку часа будност, се враќа целиот акумулиран умор во организмот, велат експертите од Националниот институт за здравство во САД.

Тие поединечно го анализираа влијанието на долгорочната и краткорочната ненаспиеност.  Открија дека хронично ненаспиените луѓе можат нормално да функционираат веднаш по будењето, но како што поминува денот, нивните реакции се забавуваат, без оглед на тоа дали  претходната ноќ спиеле доволно. Затоа е важно да спиете од седум до девет часа, бидејќи во спротивно се зголемува ризикот од намалена меморија, рефлекси и имунитет, предупредуваат американските експерти.