26 јуни, 2019

Радио

Не постои универзален рецепт за губење на тежината, но повеќето експерти се колнат во ефикасноста на комбинација од кардио вежби, исхрана богата со хранливи материи, контрола на нивото на стрес и доволно спиење. Квалитетното спиење е важен дел од секоја равенка за губење на тежината, но исто така и составен дел за одржување на посакуваната тежина.

“Важно е да бидете добро наспани. Добриот сон помага во подобро функционирање на мозокот и генерално ја подобрува вашата психофизичка состојба. Спиењето, исто така, игра голема улога во вашата способност да обрнувате внимание, да донесувате одлуки и да бидете креативни “, вели д-р. Ризван Султан од University of Texas Medical Branch, кој смета дека е потребно од седум до девет часа спиење, ако се обидувате да ја изгубите тежината. “Ова ќе ви помогне да го избегнете заморот и поспаноста во текот на денот, што обично резултира со недостаток на мотивација за спортување и било каква активност”, објаснува д-р Султан.

“Доброто спиење помага во балансот на хормоните, особено на оние кои го контролираат гладот и ситоста. Ако сте без доволно сон, нивната рамнотежа би можела да се наруши, што би можело да предизвика да се јадете повеќе отколку што е потребно “, рече д-р. Султан.

Остави коментар

Почетна // живот // Еве колку е потребно да спиете доколку сакате успешно да ги намалите килограмите
Горе