15 септември, 2019

Радио

Топла бања пред спиење може да ви помогне да спиете подобро, особено ако внимавате на иста температурата на водата.

Според нивни резултати од универзитетско истражување, капењето на час или два пред спиење (идеално 90 минути) во вода чија температура е помеѓу 40 и 43 Целзиусови степени им помага на луѓето да спијат подобро.

Особено, капењето во овој период и со вода на наведената температура може да ви помогне да заспиете во просек 10 минути побрзо од вообичаеното.

Медицинските истражувања веќе открија дека сонот и температурата на телото се регулирани со нашиот внатрешен часовник, или циркадскиот ритам.

Температурата на нашето тело за време на спиењето е најниска. На спиење, просечното лице доживува пад на телесната температура од 0,3 до 0,6 степени, а додека се подготвуваме за будење, температурата почнува да расте.

Иако може да изгледа контрапродуктивно, топла бања го стимулира терморегулаторниот систем на организмот и ја стимулира циркулацијата на крвта, што помага да се намали телесната температура.

Основната идеја за топла бања пред спиење е дека температурата на телото, кога се крева, мора да падне, и на овој начин го имитираме природниот пад.

Експертите исто така забележуваат дека самото капење има различен ефект врз телото отколку туширањето. Капењето влијае побрзо на температурата на телото бидејќи е стимул што го опкружува целото тело. Додека легнуваме во бањата, нашето тело се релаксира на поинаков начин.

Луѓето кои се бањаат наутро и имаат проблеми со спиењето, треба да пробаат вечерна бања.

Остави коментар

Почетна // живот // Ова е трик кој ќе ви помогне побрзо да потонете во мирен сон
Горе