Префинето, но лошо по здравјето: Еве зошто не треба да седите со прекрстени нозе!
Докторите предупредуваат дека ваквата положба на седење може да предизвика последици по вашето здравје.
Иако нѐ учеа дека вистинската дама секогаш седи со прекрстени нозе, особено ако носи фустан или сукња, експертите предупредуваат дека ваквата положба на телото е ризична по здравјето. Освен што може да предизвика вкочанетост на ногата поради притисокот врз нервите над коленото, може да предизвика привремено зголемување на крвниот притисок. Кога ќе ги прекрстите нозете, доаѓа до спречување на протокот на крв. Честото седење во таква позиција може да доведе до настанување на проширени вени. Ризикот е поголем доколку секојдневно седите со прекрстени нозе повеќе од 10 минути. Затоа, пред да одлучите да изгледате префинето со ваквиот дамски став, добро размислете за можните здравствени последици.