Чудо на природата: Езеро кое исчезнува

12 мај, 2020
Ezero

Оваа магија започнува да исчезнува кон средината на јули и до зима достигнува стандардна големина до 2 метри длабочина, а просторот каде што се наоѓаше се облекува во својето второ руво и станува парк за планинари …

Во подножјето на планината Хочшваб во австриската провинција Стирија, езерото Грин Вил (Зелено езеро) се претвора во парк во средината на летото. Опкружено со планини и шуми, во зависност од сезоната, ја менува својата големина и со тоа својата цел.


Езеро што настанува во пролет и исчезнува кон средината на летото

Зеленото езеро во селото Трагиб го носи името на смарагдната зелена боја што привлекува посетители. Чистата и бистра вода што го исполнува езерото доаѓа како резултат на топење на снегот и мразот од околните планини, а температурата од 6 до 7 степени Целзиусови, исто така, влијае на чистотата и добрата видливост.

Езерото започнува да го достигнува својот врв од длабочина до 12 метри во текот на пролетта кога температурите растат, снегот се топи, а базенот под планините се полни со вода. Тогаш, во мај и јуни, ова место е најубаво и најатрактивно за посетителите. Оваа магија започнува да исчезнува кон средината на јули и до зима достигнува стандардна големина до 2 метри длабочина, а просторот каде што се наоѓаше е облечен во своето друго руво и станува парк за планинари.

Чудна природа и необичен подводен свет

Бидејќи во текот на остатокот од годината овој простор не е исполнет со вода, т.е. помал дел е исполнет со мала количина – максимална длабочина до 2 метри, остатокот од просторот е парк. Затоа, во пролетта и почетокот на летото, привлекува многу нуркачи, кои во ова необично нуркачко искуство можеа јасно да ги видат мостовите, клупите, лизгачките патеки и алпските растенија. Денес, оваа активност е забранета со цел подобро зачувување на езерото. Дополнителен интересен факт е дека растителниот свет е навикнат на овој „двоен“ живот.