Кападокија: Колку чини задоволството од небо да се гледа градот на шарени балони?

9 септември, 2020
hot-air-balloons-45612741920-1-830x0 (1)

Овој град е една од најпопуларните дестинации во Турција.

Кападокија е град во срцето на Турција, магично место само по себе. Стара е преку 2.500 години и позната е како „Земја на светците“, Кападокија со право е една од најпосетуваните дестинации во Турција.

Градот вграден во пештери датира од 6 век п.н.е. Во списите на Херодот се споменува град со исто име во кој живееја Персијците.

Во утробата на градскиот ѕид лежи црквата наречена Змија. Црквите Јабука, Копча и Капали се високо во карпите. Најдобрите фрески ги чува Скриената црква, која го добила своето име затоа што била откриена дури во 1956 година.

Сепак, најголемата атракција на ова население не е историјата или културата што ги испушта градот, туку небото насликано со цела флота на шарени балони.

Навистина, пејзажот што Кападокија може да го обезбеди е идеален за гледање од балон, така што оваа дестинација стана сон на многу патници.

Колку всушност би чинела оваа авантура?

Возењето во балон чини помеѓу 7.000 – 15.000 денари. Цената зависи од тоа дали сакате приватен или групен лет, како и од тоа дали имате дополнителни услуги за време на летот, како што се шампањ или оброци.

Мал проблем е што Кападокија е далеку од сите поголеми турски градови.

Од Анкара околу 350 километри, од Анталија 570 километри и од Истанбул дури 800 километри.

Токму од таа причина, ако не дојдовте во Турција само поради Кападокија, тоа патување ќе ве чини многу повеќе.

На пример, организираните дводневни тури од Истанбул чинеа околу 12.000 денари. Цената вклучува авионски билети Истанбул-Кападокија, сместување, водич и храна, но не и возење со балон.