11 јули, 2020

Во пост-пандемиската ера, ќе биде потребно многу убедување луѓето конечно да се релаксираат, да се чувствуваат удобно и да одлучат да се качат во авион што ќе ги однесе некаде на одмор. Авиокомпаниите, во меѓувреме, воведуваат нови мерки за безбедност и санитација, но самите дестинации треба да станат пожелни повторно да ги посетат.

Јапонците се чини дека сериозно размислуваат за ова, а вашата следна посета на Земјата на изгрејсонцето би можела да ве чини само – половина од цената! Имено, на неодамнешната прес-конференција, Хироши Табата од јапонската туристичка агенција рече дека јапонската влада планира да издвои околу 80 милијарди за програма што треба да помогне во закрепнувањето на туризмот. Програмата би можела да започне уште во јули, а сè уште не е одредено како ќе се дистрибуираат субвенциите и кои трошоци ќе бидат покриени, но се шпекулира дека до 50% од трошоците би можеле да бидат покриени за странските туристи.

Јапонија во април објави дека бројот на гостите опаднал за 99,9 проценти во однос на една година порано, со што стана јасно јасно напорот за заживување и забрзување на туристичката индустрија. Земјата сметаше на бројни посети од сите граѓани на светот оваа година, со оглед дека Олимписките игри во 2020 година требаше да се одржат во Токио.

Во меѓувреме, натпреварите се одложени за следната година, а Јапонија верува дека ќе ја спаси летната сезона. Патем, оваа идеја не е ништо ново за оваа година, затоа што Сицилија неодамна објави надомест за половина од цената на авионскиот билет и третина од сместувањето за туристите.

Сè на сè, очигледното нè чека – многу интересно лето.

Остави коментар

Почетна // Travel Story // Конечно во Јапонија! Летајте на исток и можеби ќе ви платат половина од сите патни трошоци
Горе