Недостасува само Дедо Мраз: Необично градче во Франција кое изгледа како да е дел од сон (ФОТО)
Кој еднаш ќе дојде, никогаш нема да сака да замине
Постојат места кои изгледаат како да се од бајка.
Всушност, за Колмар во Франција, убедени сме дека тоа е всушност родно место, никој друг освен на Дедо Мраз лично.
Затоа што, рака на срце, погледнете ги овие нереални фотографии и ќе ви биде јасно зошто туристите го обожаваат овој град, особено за време на Божиќ.
Од сите страни ќе видите украсени згради и куќи, мечиња, сијалички, украси и машнички.
Божиќните дрвја и новогодишните sвезди се украсуваат на секој чекор, а мирисот на топло чоколадо и варено вино се шири низ калдрмата на улиците. Па, што сакате подобро?
Но, Колмар е посебен поради некои други работи. Имено, ова место испушта старогермански шарм, најмногу затоа што е оддалечено само дваесетина километри од германската граница, а се нарекува и „Мала Венеција“, но и „град на виното и уметноста“.
За прв пат во историјата, се споменува уште во 823 година, а Колмар е родно место на познатиот скулптор Фредерик – Огист Бартолди, кој ја дизајнираше американската статуа на слободата.
Градот има околу 86 илјади жители, а се наоѓа во подножјето на планините Восгес, покрај реката Лауч, која е поврзана со канал со Рајна, според Википедија.
По Втората светска војна, Колмар стана важен економски и туристички центар. Саемот за вино и меѓународниот фестивал на класична музика придонесоа за добрата репутација на градот ширум Светот. Туристичкиот прилив е голем. Секој го сака својот дел од алзашката идила во Колмар – фотографија со куќи стари неколку стотици години како што се рефлектираат во водата, заедно со цвеќиња од стотици саксии на фасадите.
Најдоброто вино се точи во градините на кафулињата и рестораните. Специјалитети кои го слават Алзас се служат на трпезата. На прво место е „Flamkuhen“ – тоа е еден вид алзавска пица со многу тенко тесто. Исто така, тука се и полните порции со месо. „Jarret de porc fume, chocroute“ – зад ова прекрасно име се крие пушена свинска шушка со кисела зелка – јадење што се служи на другата страна на границата, во Германија, како типично германско.
Значи, ако сакате да создадете празнична атмосфера, посетете го необичниот Колмар. Едно е сигурно – штом пристигнете, никогаш нема да сакате да заминете.
Погледнете уште неколку фотографии од овој нестварно убав град.