Српската пештера која крие богатство: За да стигнете до неа мора да поминете низ – тунел со лилјаци (ФОТО)

10 октомври, 2020
7864749195f80321e1b1a2745935968_760x428

Спелеолошкиот бисер на западна Србија се наоѓа на 14 километри од Ужице во северниот дел на Дрежничка Градина.

Пештерата Потпеч е единствена на Балканот поради исклучително големиот влез во форма на потковица, висок околу 50 метри. Според приказните од локалното население, сè до Втората светска војна, тука имало две пештери, едната била срушена од Германците, а потоа тие се споиле и се создал таков уникатен, импозантен влез. 700 чекори водат кон влезот, а потоа пред вас има незамисливо богатство од пештерски накит. Сепак, за да стигнете таму, мора да поминете низ тунел со лилјаци.

“Може да се видат исклучителни примероци на сталактити, украси што висат на sидовите и сталагмитите, украси кои растат од подот на пештерата. Пештерскиот накит се создава со миење со дождовната вода и потребни се неколку стотици години за да се направи само еден сантиметар. Секогаш ги предупредуваме посетителите ништо да не допираат затоа што го нарушува процесот, но за жал имавме и примери кога се искина пештерски накит.Пештерата Потпеч е исклучително спелеолошко наоѓалиште и експертите имаа полни раце работа овде, изјави за Рина Нина Илоски, туристички водич.

Пештерата Потпеч ја истражувал Јован Цвијиќ на почетокот на 20 век. Се проценува дека е долга околу 10 километри, а само првите 550 метри се дозволени за посета.

Поделена е на четири дела – сала под куполата, сала на змејови, сала Цвијиќ и потоа сала наречена Снежана и седумте џуџиња.

Спелеолозите овде беа многу инспирирани да даваат имиња за украси од пештери, така што само во пештерата Потпеч можеме да видиме – палма во тенџере, чичко Љубо и неговите мачки, бебе што лази, вилици на крокодил, камени змејови, бувови.

“За оваа пештера се пренесуваат бројни легенди, кои се пренесуваат од генерација на генерација. Според едната од нив, тука живееле два пештерски змејови, кои чувале чудесен извор кој, според легендата, лекувал неплодни жени. Кога изворот се исушил, змејовите замрзнале, но нивните форми се видливи и денес. Исто така, за време на турската окупација тоа беше место каде што Србите се криеја од Турците. Кога некој ќе умреше, ќе го закопаа во близина, за да не го откријат засолништето, а остатоците на овие луѓе беа пронајдени , па потоа извадени и достоинствено закопани. Внатре има и мал олтар врежан во карпата, каде што тогаш нашиот народ се молеше на Бога “, рече Нина.

Докажано е дека најниските сали на пештерата се лековити бидејќи имаат својства на природна хипербарична комора во која концентрацијата на кислород се движи од 33 до 40 проценти.

“Гостите не избегнуваат посета на хипербарична комора, а многу од нив велат дека е полесно и поразлично да се дише на тоа место. Влегоа астматичари, кои велат дека само тука дишеле со полни бели дробови”, вели Нина.

Пештерата Потпеч е еден вид споменик на природата, а нејзиниот ентериер беше украсен во април минатата година, кога беше направена нова електрична инсталација во главниот ходник и салите, па затоа оваа историска убавина заблеска со нов сјај.