Ако сакате да го забавите процесот на стареење и да го продолжите животот, тогаш оваа диета е за вас. Диетата против стареење вклучува производи чиј внес помага најмногу да се забави процесот на стареење.
Омега-3 масни киселини против брчки и воспаленија
Оваа група на храна вклучува: пастрмка, лосос, бадеми, сардини, туна, харинга… Рибата содржи омега-3 и омега-6 масни киселини. Овие киселини ја намалуваат манифестацијата на разни воспалителни процеси во телото што доведуваат до затнување на порите на кожата, акни и предвремено појавување на брчки.
Ореви
Јадете неколку ореви секој ден. Оревите содржат големи количини на антиоксиданти, витамин Е и незаситени масни киселини.
Зелен чај
Пијте најмалку две чаши зелен чај на ден. Докажан „чудотворец“ кога станува збор за превенција и болести во староста!
Маслиново масло
Исклучително корисно за меморијата. Маслинките содржат мононезаситени масти и витамин Е, кој го намалува нивото на лош холестерол и го зголемува нивото на добар холестерол.
Овошје и зеленчук
Јадете 500 – 1.000 грама овошје и зеленчук дневно. Изберете овошје и зеленчук од различни видови и бои. Јадете голем дел од свежа сезонска салата секој ден. Овошјето и зеленчукот содржат големи количини на витамини и минерали кои го забавуваат процесот на стареење.
Вода
Пијте 1,5 литри вода на ден
Диета против стареење
Нашето варење игра важна улога во одржувањето на младоста и виталноста. Затоа лекарите препорачуваат да се јаде што повеќе храна што содржи растителни влакна кои помагаат во подобрувањето на варењето на храната. Овие производи вклучуваат интегрален леб, кафеав ориз, ореви, семиња, зеленчук, овошје и грав. Сите тие ги стимулираат цревата и го штитат нашето тело од многу проблеми. Покрај тоа, влакната го намалуваат нивото на холестерол и го регулираат нормалното ниво на шеќер во крвта.