Човеколики мајмуни во изолација поради страв од корона вирус!
Големи човеколики мајмуни се ставени во изолација од страв да не бидат заразени со корона вирус. „Горила туризмот“ е прекинат во Африка и засолништата за други мајмуни, како што се орангутаните се затворени за јавноста.
Нема докази дека овие мајмуни би можеле да се заразат со вирусот, но постои загриженост дека „нашите најблиски роднини“ сепак може да се разболат, пренесува BBC.
Познато е дека тигар неодамна заболел од овој вирус во зоолошката градина Бронкс, поради што се воведени нови мерки за заштита.
Д-р Кирстен Гиларди е главен ветеринар на организацијата „Доктори за горила“ што се грижи за овие животни во шумите на Руанда, Уганда и Демократска Република Конго.
Не знаеме дали планинските горили биле заразени со корона вирусот. Засега немаме информации за ова. Но, бидејќи овој вид на големи мајмуни е подложен на човечки патогени, знаеме дека меѓу нив може да се развие оваа респираторна болест – вели д-р Гиларди.
Планинските горили (Gorilla beringei beringei), вид голем мајмун на работ на истребување, живее само во шумите на Руанда, Уганда и Конго. Во сите три земји, пријавени се човечки случаи на коронавирус, што предизвикува популарен прекин во „горила туризам“ таму.
Во моментов сме насочени кон голем број мерки на претпазливост, како што се физичко растојание и карантин, во согласност со препораките за заштита на човеколиките мајмуни – вели д-р Гиларди, додавајќи дека од луѓето се барало да бидат на седум метри од овие животни, уште пред избивања на пандемијата.
Во согласност со новите препораки на Меѓународната унија за зачувување на природата, минималното растојание од големите мајмуни мора да биде 10 метри, при што посетите на човекот се сведени на минимум заради безбедноста на животните и здравствените причини.
Ниту едно болно или лице што било во контакт со болно лице во претходните 14 дена не смее да се најде во близина на горилата.
Инфективните заболувања неодамна се најдоа на листата на најголеми закани за некои групи големи мајмуни.