Од каде доаѓа обичајот да се истура вода по некого со надеж дека тоа ќе му донесе среќа?

Според верувањето кај Македонците, истурање вода врз лице кое оди на пат или да заврши некоја работа, носи среќа и се прави со цел да се заврши работата или патувањето среќно.

Се практикува и кога се оди на училиште, на испит, разговор за добивање работа, одење во војска и слично. Еден од најстарите ритуали е повикувањето на среќата што ја знае нашата традиција.

Етнолозите сметаат дека истурената, т.е проточна вода ја симболизира подвижноста, леснотијата на движење, дека не застанува и не заглавува и дека со истурањето на вода се чини дека нечија работа ќе помине непречено како истурената вода.

Во прилог на ова тврдење на етнолозите се и зборовите што се изговараат при излевање на вода и кои се запишани во некои области.

На самиот чин на истурање вода, треба да се каже: “Нека да оди чисто и бистро како вода!”