Постојано сте без пари? Еве како да заштедите

Сара Харви е авторка на книгата Каизен: Јапонска тајна на трајни промени. Работела во Токио како советник во издавачка куќа, а тогаш се заљубила во јапонската култура. Сега живее во Лондон и работи како литературен агент, а за CNBC Make it го опишува своето искуство со древната јапонска техника за заштеда на пари. За време на нејзиниот престој во Токио, била воодушевена од тоа како мали детали и внимателност и промени значат многу во јапонскиот секојдневен живот.

“Беше поразлично од сето што го имав искусено дотогаш, а тоа ме потикна да забавам и да направам некои подобрувања во начинот на живот – конкретно со своите несериозни и импулсивни навики на трошење. Па кога слушнав за јапонската метода за штедење Кокеибо, бев заинтригирана и одлучив да пробам“, вели таа.

Што е Какеибо? – Какеибо, се преведува како “книга за домаќинства“. Измислено е во 1904 година од жена по име Хани Мотоко (прва јапонска новинарка во Јапонија). Какеибо е едноставен, необичен пристап за управување со финансиите.

Некои не се борат со прекумерни трошоци и можат да живеат задоволителен живот само со основните работи. Никогаш не сум бил еден од тие луѓе. Наместо тоа, бев со навика да пазарувам кога се чувствував здодевно, стресно или несреќно за нешто. Купував и кога бев во добро или славеничко расположение. Многу луѓе би се согласиле дека менувањето на лошите финансиски навики не е лесно да се направи – делумно затоа што нашите навики на трошење се длабоко зацементирани во секојдневниот живот, а чинот на трошење вклучува емотивен аспект од којшто е тешко да се раздели. За среќа, во последните 116 години какеибо беше ефикасен во помагањето на луѓето да донесуваат попаметни финансиски одлуки.

Нема технологија само пенкало и тефтер – Какеибо не вклучува софтвер за буџетирање, програми или табели со Excel. Методата ја потенцира важноста физички да се запишат работите – како медитативен начин за обработка и набудување на вашите навики на трошење.

Според овој метод пред да купите какви било несуштински елементи – или работи што ги купувате импулсивно, треба да си ги поставите следниве прашања: Може ли да живеам без оваа ставка? Може ли да си го дозволам тоа врз основа на мојата финансиска состојба? Дали ќе го користам? Дали имам простор за тоа? Како се „закачив“ на тоа? (Дали го видов во списание? Дали наидов на тоа откако се шетав од здодевност во продавница за подароци?) Која е мојата емотивна состојба денес? (Смирено? Стресно? Празнично? Се чувствувам лошо?) Како се чувствувам кога ќе го купам? (Среќна? Возбудена? Безгрижно? И колку долго ќе трае ова чувство?)

„Иако какеибо беше ефикасен во помагањето да останам на врвот на моите финансии, она што навистина го стори, а другите системи што ги пробав во минатото не – ме принудија да размислувам на тоа што ме мотивираше да купам. Со други зборови, конечно успеав да го надминам мојот страв да бидам целосно искрена за моите „потреби“ и „желби“. За мене стана полесно да донесувам побрзи, попаметни и логични одлуки дали да потрошам пари на одреден артикал“ вели Сара.

Внимателното трошење и заштедата во голема мерка се во корелација, а малите промени што ги направила користејќи го овој метод имале кумулативен ефект врз банкарската сметка, истакнува таа. Важно е да се напомене дека Какеибо не е дизајниран да ја намали целата радост од вашиот живот. Ако се чувствувате уморни од нешто, цвеќињата се прилично ефтин начин да се расположите.