Ромео и Јулија од 21 век: Невестата пред венчавката дозна дека има Ковид па следеше дело за паметење!

Љубовта беше посилна од сè

Двојката од Калифорнија не дозволила нивната венчавка да биде спречена за ништо, дури ни затоа што невестата добила лесен ковид-19.

Лорен Хименез (29) и Патрик Делгадо (27) требаше да го кажат судбоносното „да“ на 20 ноември, но неколку дена претходно Лорен доби позитивен тест на корона вирусот. И претходно се обидуваа да закажат свадба, но секогаш нешто ги спречуваше.

Но, наместо да го откажат својот голем ден по четврти пат, вљубените птици решија да разменуваат брачни завети по секоја цена. Тие тоа го сторија во стилот на Ромео и Јулија, на отворено – Лорен беше на прозорот на нејзината спална соба, а Патрик на тротоарот.

– Всушност, три пати ги сменивме плановите за венчавка – рече младоженецот. – Прво, го намаливме списокот на гости, велејќи им на некои пријатели да не доаѓаат со големо извинување, а потоа требаше да им го кажеме истото на некои членови на семејството. На крајот, на последната листа на гости имаше само 10 лица.

Патрик вели дека тој и неговата свршеница многу внимавале да не го „закачат“корона вирусот пред венчавката. Тој тврди дека секогаш носеле маски и дека се придржувале до другите мерки. Затоа, позитивниот тест на Лорен за корона вирусот беше како ладен туш.

Лорен и Патрик се заедно четири години, а верени се година и пол. Едвај го чекаа моментот кога ќе се венчаат, а кога дознаа дека идната невеста е позитивна на корона, решија да „пресечат“ и да се венчаат по секоја цена. Љубовта, открива Патрик, била главниот мотив, но подеднакво важен бил и фактот дека нивната лиценца за брак ќе истече следниот ден откако ќе се венчаат.

Матичарот и фотографот донеле потврди дека се негативни за корона вирусот, како и тетката на невестата, кои презеле обврска да направат лента долга девет метри и да ја украсат со цвеќиња. Лентата беше симбол на единство, љубов и физички допир, затоа што младенците не можеа да застанат едни покрај други, ниту да се бакнуваат кога матичарот прогласи дека бракот е склучен.

– Пресреќна сум што покрај себе имам партнер кој ќе ме поддржува, ќе ме сака и ќе биде со мене дури и кога е тешко, како што беше случај сега – рече невестата.

– Ако заедно ја поминавме 2020 година, јас и Патрик можеме да поминеме низ сè. Драго ми е што денот на нашата венчавка беше единствен и поинаков.

Во меѓувреме, парот се надева дека ќе може да организира голема забава следната година, и засега, со нетрпение го чекаат својот прв венчален бакнеж. Бидејќи невестата е сè уште во карантин …