СЕ ПРАШУВАВМЕ ЗОШТО АМЕРИКАНЦИТЕ СЕ ДЕБЕЛИ- Се здебелуваме поради една грешка што ја правиме сите

Ако се концентрирате на други работи за време на оброците, ризикувате да се здебелите, тврдат научниците

Употребата на мобилни телефони, како и проверка на социјалните мрежи и читање весници за време на оброците, имаат ефект на гоење, покажа бразилска студија.

Имено, истражувачите од Федералниот универзитет во Лаврас тестирале 62 испитаници кои користеле телефон за време на оброкот.

За време на првите два теста, испитаниците читале весник или користеле мобилен телефон за време на оброкот, до третиот можеле да јадат колку што сакаат, но не им било дозволено да го користат мобилниот или да читаат весник. Дошле до застрашувачкото откритие дека луѓето кои јаделе и користеле мобилни телефони истовремено, внесувале околу 15 проценти повеќе калории отколку оние кои се концентрирале само на јадењето.

Зошто е тоа така?

Научниците го поврзаа зголемениот внес на калории, односно поголемите порции, со фактот дека употребата на паметни телефони и списанија го одвлекува вниманието од храната, па затоа не сме свесни колку сме изеле.

„Пренасочувањето на вниманието, како паметните телефони или весниците, може да доведе до зголемен внес на калории со прекинување на меморијата“, вели авторот на студијата Лучијано Переира.

Се брои многу повеќе од она што е на чинијата

Познато е дека здравата и урамнотежена исхрана може да ја спречи дебелина. Сепак, Переира тврди дека не е важно само што се јаде:

„Луѓето не само што треба да обрнат внимание на она што го јадат, туку и да избегнуваат фактори што ќе им пречат за време на оброците“.