Со корона вирус можете да се заразите и за помалку од 15 минути

Американскиот центар за контрола и превенција на болести (ЦДЦ) објави дека може да бидете заразени со коронавирус дури и кога сте поминале само неколку минути во друштво на заразено лице. Претходно се сметаше дека луѓето треба да бидат тестирани ако останат со заразено лице во затворено, на растојание помало од два метра, повеќе од 15 минути. Но, по проучувањето на жариштата во затворот во Вермонт, тие ги ажурираа упатствата, велејќи дека пренесувањето може да се случи ако некој биде во близина на заразеното лице вкупно 15 минути за 24 часа, иако секое изложување траеше само две до три минути.

„Кумулативната изложеност на вирусот може да биде опасна како 15 минути континуирано изложување“, изјави за Ен-Би-Си Њуз, д-р Вилијам Шафнер, експерт за заразни болести од Медицинскиот центар на универзитетот Вандербилт. На крајот на јули, шестмина затвореници пристигнаа во затворот во Вермонт, кои беа ставени во карантин додека ги чекаа резултатите од тестот за ковид-19. Никој не покажа симптоми на инфекција, но следниот ден сите шест добија позитивен резултат. Додека биле во потрага по нивните контакти, бил идентификуван офицер кој бил во контакт со нив, но неколку пати на ден, само неколку минути. Мислеа дека тој не е осомничен, но седум дена подоцна, полицаецот исто така го изгуби чувството за вкус и мирис и почна да кашла и дише тешко и се пожали на силна главоболка. Наскоро доби позитивен резултат. По прегледувањето на снимките од безбедносните камери, се покажа дека тој бил на растојание од помалку од два метра од затворениците околу една минута, што е далеку помалку од 15 минути што се сметале за неопходни за инфекцијата.