„Ботоловeц“ откри: Повеќе од половина од твитовите околу кoроната се од Ботови, се сомневаат на Руси и Кинези

27 мај, 2020
Насловна

Скоро половина од сметките на Твитер кои објавуваат твитови за пандемијата на корона вирус во последните неколку месеци се многу веројатно ботови, е резултат на истражувањето спроведено од американски научници од универзитетот Карнеги Мелон во Питсбург.

Истражувачите анализирале повеќе од 200 милиони твитови, објавени од почетокот на годината, во кои се споменувал вирусот, и откриле дека околу 45 проценти од нив биле испратени од сметки што се однесувале повеќе како компјутерски роботи отколку луѓе.

Сè уште е рано да се каже со сигурност кои поединци или групи стојат зад толку многу сметки со ботови, но истражувачите веруваат дека твитовите биле насочени кон создавање поделба на јавното мислење во Америка.

– Знаеме дека сето тоа изгледа како пропагандна машина и наликува на стилот што го практикуваат Русите и Кинезите. Сепак, ќе ни требаат огромни количини на извори за да можеме да го тврдиме тоа со сигурност – вели еден од главните истражувачи, професор по компјутерски науки Кетлин Карли.

Истражувачите идентификувале повеќе од 100 лажни наративи за вирусот КОВИД-19 распространет на Твитер преку сметки контролирани од ботови, пишува НПР.

Најчестите теми на погрешно известување на постовите на овие сметки се оние кои тврдат дека болниците се полни со „манекенки“ кои играат трикови на пациенти и теории на заговор кои го поврзуваат ширењето на вирусот корона со воведувањето на 5G технологија и ширењето на 5G мрежите.

Ваквите лажни идеи и теории што се шират на Интернет, предизвикаа големи штети, тврдат научниците, од кои највидливите се уништени 5G кули и антени во неколку земји.

– Во случај на коронавирус, забележуваме двојно повеќе бот активност отколку што можевме да предвидиме засновано на претходна природна непогода – вели професорот Карли.

Научниците користеле специјална софтверска алатка, т.н. ботоловка, да ги забележи сметките на Твитер што твитуваат побрзо отколку што би можеле да направат или оние што тврдат дека доаѓаат од неколку држави, за само неколку часа. На ваквите сметки се испитуваше бројот на следбеници, зачестеноста на твитовите, како и колку корисникот на една од таквите сметки се споменува на Твитер во контекст на нивните твитови.

– Кога забележуваме еден куп твитови објавени во исто време, се чини дека тие се програмирани да бидат објавени во исто време. Следевме исти хаштагови, како и пораки кои изгледаат како да се копираат од еден и да се залепат во друг твит, односно од еден бот во друг – вели професорот Карли.

Како одговор на наводите од истражувањето на универзитетот Карнеги Мелон на Твитер, тие се повикаа на нивните претходни постови објаснувајќи дека терминот бот може да се користи за да се опишат голем број на различни однесувања на нивната платформа, не само оние што нужно ги кршат „правилата на однесување“.

Без оглед на тоа, тие посочуваат дека во претходниот период, тие извадиле илјадници потенцијално опасни информации за вирусот корона од платформата.