Facebook воведе нова опција: Еве како да направите свој аватар
Facebook воведе нова опција која им овозможува на корисниците да создадат свој аватар. Аватарите можат да бидат дизајнирани да изгледаат исто како нас и потоа можат да се користат како налепници на Фејсбук во коментари или на Messenger. Аватарот е замислен како дигитален карактер со кој корисниците можат да ги искажат своите емоции и расположенија. Фејсбук ја воведе оваа опција како одговор на алатката Bitmoji која воведе Snapchat во 2016 година, пишува The Sun.
Од Фејсбук соопштија дека нивната цел е да привлечат помлада публика.
„Денес, комуникацијата се одвива претежно преку Интернет и затоа стана поважно од кога и да e, можност да се изразите на Фејсбук“, напиша Фиџи Симо, кој е надлежен за апликацијата „Фејсбук“.
Корисниците можат да го обликуваат аватарот со избирање на формата на лицето, носот, усните, бојата на очите, косата и слично. Исто така можете да го облечете аватарот, да ставите шминка или да ставите очила. Изгледот на аватарот може да се промени во секое време.