7 чести грешки поради кои не ни успеваат пошираните јајца

Со советите на врвните професионалци, нема да ви требаат калапи или најразлични помагала за поширани јајца. Избегнувајте ги основните грешки и подгответе појадок како од најдобрите хотелски ресторани.

Стари јајца

Како што стареат јајцата, белката од јајцето се менува и станува поцврста, затоа проверете го датумот на пакувањето пред подготовката. Ако јајцата се свежи, белката од јајцето ќе остане цврста. Ако не сте сигурни дали јајцата се стари, тестирајте ги ставајќи ги во сад со вода. Најсвежите јајца ќе потонат на дното и ќе останат долу.

Погрешен сад

За да правилно се пошираат, јајцата треба да имаат доволно простор во садот, затоа избегнувајте мали садови. Изберете тенџере со средна големина и наполнете го со толку вода што за да добиете околу осум сантиметри висина на водата.

Топла или ладна вода

Ако го ставите јајцето во вода што врие, белката ќе се разлее на сите страни, а во ладна, жолчка ќе се одвои. Најдобрата температура е онаа на која водата пополека се крчка, без „разорувачки“ меури.

Кршење на јајца во сад

Поширањето јајца е нежен процес, па затоа е најдобро јајцата да ги скршите во посебни садови наместо да ги спуштите директно од лушпата во тенџере.

Одокативно готвење

Откако ќе ги спуштите јајцата во вода, навијте го алармот, бидејќи недоволното готвење или преварување нема да заврши добро. Со преварување, белката од јајцето станува како гумена, а жолчката тврда, што ние во никој случај не го сакаме. Секоја минута се брои, па затоа навијте го часовникот во кујната на две минути ако сакате течни јајца, три за сврсти белки и течна жолчка, или четири минути за поцврсти јајца со мека жолчка.

Забораваме на оцетот

За подобар резултат, во водата додадете лажица ориз или благ јаболков оцет. Оцетот помага белката да ја задржи соодветната форма, но не влијае на вкусот. Ако сте „алергични“ на неговиот мирис, извадете ги јајцата со шуплива лажица и внимателно ставете ги во друг сад со топла вода за да испари несаканата миризба.

Мирна вода

Пред да ги додадете јајцата во вода, корисно е нежно да се промешува со лажица за да се создаде струење што ќе ги задржи белакта и жолчката од јајцето на место. Ако го прескокнете овој чекор, јајцето може да се разлее на парчиња.