АЈВАР БЕЗ ПЕЧЕЊЕ И ЛУПЕЊЕ ПИПЕРКИ- МОЖНО Е! Д-р Филгуд го откри рецептот, дознајте во што е тајната

21 септември, 2020
ajvar

Д-р Филгуд откри како ја подготвува својата омилена зимска храна, а бонус е што ајварот подготвен на овој начин е далеку поздрав од класичниот!

Д-р Саша Плечевиќ, славниот д-р Филгуд, откри како ја подготвува зимската храна – познатиот ајвар. Она што го прави неговиот рецепт различен од најпопуларните е што пиперките не се печат!

Затоа, заборавете на печење, макотрпно лупење пиперки и валкање на „еден куп“ садови! Бонус е што ајварот подготвен на овој начин е поздрав, а д-р Филгуд за „Блиц чена“ вели дека е повкусен од класичниот.

А еве како се подготвува…

Состојки:

600гр црвена пиперка

2 чешниња лук

Морска сол

Маслиново масло

Бибер

Подготовка:

Пиперките добро измијте ги и исечете ги на помали коцки. Намачкајте со масло, сол и оставете да се маринира околу три часа. Ставете ги пиперките во тава и исушете ги околу четири часа во малку отворена рерна загреана на 50 степени. После тоа, ако сакате, извадете ги лушпите од пиперките, па мелете ги пиперките во мелница за месо. За време на мелењето, додадете бибер, лук и, ако сакате, лута пиперка. На крај, додадете повеќе масло и користете го за да направите соодветна густина на ајварот.