Кремаста супа од КИКИРИКИ и СЛАДОК КОМПИР: Невообичаена и супер здрава комбинација на вкусови што вреди да се проба! (РЕЦЕПТ)
Ако сето ова изгледа како малку необична комбинација, знајте дека ова е едно од омилените оброци за Американците. Супата е чист протеин, па затоа е многу хранлива.
Одлично е што станува збор за протеински оброк, додека кикириките одлично ќе одат со сладок компир. Ако сакате да пробувате нови работи, тогаш оваа супа од крем од кикирики е дефинитивно вистинската работа за вас.
Состојки:
400гр сладок компир
150гр путер од кикирики
1 кафена лажичка масло
4 чешниња лук
1 лажица концентрат од домати
Малку чили во прав
Хималајска сол
1-1,5л вода
Сув зачин (по вкус)
Малку кикирики
Подготовка:
Во голем сад, загрејте го маслото и додадете го исечканиот лук и оставете го да се пржи околу пет минути. Потоа, додадете чили, концентрат од домати, сладок компир и путер од кикирики, кратко промешајте.
Потоа истурете ја и водата, додадете го сувиот зачин, па промешајте додека концентратот од домат и путерот од кикирики убаво не се стопат и соединат, а потоа покријте го тенџерето да врие и намалете ја температурата. Варете уште 10-15 минути, додека слаткиот компир не омекне.
Ставете сè заедно во блендер и блендирајте додека не добиете мазна и посакувана текстура на супа. Послужете додека е топло и посипете со сецкани кикирики одозгора, долколку сакате.