Лесни за подготовка, а здрави: Домашни крекери со моркови, ореви и пиперчиња (РЕЦЕПТ)
Крекерите лесно се прават, а овие домашни се најздрави. Тие лесно ќе го заменат целиот оброк, особено ако сте на посебна исхрана, но тие се уште подобри како закуска во текот на денот.
Домашните крекери немаат сезона бидејќи овие здрави закуски можете да ги јадете цела година. А, ако преферирате зима, еве еден рецепт што можете да го пробате за време на викендот. Можете да користите крекери како оброк, појадок или вечера, со додавање на јогурт, млеко, урда или салата, а може да се послужат и како закуска дома, на работа, на отворено… За овие крекери треба да направите подготовка 8 часа пред да започнете да ги направите.
Состојки:
200гр ореви (потпете ги 8 часа пред подготовката, измијте и исушете ги)
15гр сусам (потопете го 8 часа пред подготовката, измијте и исушете го)
300гр моркови (изрендани)
100гр интегрално пченкарно брашно
2 лажици свежо исецкани пиперки
50гр ленено семе (измелено)
Сол по желба или 1/3 лажичка
Подготовка:
Измелете ги исушените ореви, додадете морков и пипер и измешајте уште малку. Потоа додадете мелено ленено себе и сол.
Поставете половина или 1/3 од добиената мешавина на работна површина или силиконска основа. Покријте ја смесата со тенка фолија и расукајте ја во тркалезна форма со сукало. Користете пластична шпатула, тап нож или модли за да го дефинирате обликот на крекерите.
Загрејте ја рерната на 180 ° C (ако има вентилатор). Ако рерната е без вентилатор, малку зголемете ја температурата или печете ги крекерите за една минута подолго.
Наредете ги крекерите на плех обложен со хартија. Печете ги околу 15 минути, но задолжително проверете ги, по само 10 минути. Должината на печењето ќе зависи од дебелината на крекерите – ако се потенки, печете ги пократко, а ако се подебели, продолжете го печењето една минута.
Готови се кога ќе станат крцкави.
Чувајте ги разладените крекери во затворена голема тегла или кутија за бисквити.
Можете да ги јадете веднаш штом ќе се оладат, но, како што знаете, секогаш се подобри „ден потоа“ и уште подобри секој нареден ден.