Летен коктел кој нема да го испуштите од рака: По рецептот на The Rock

Иако, многумина сè уште се плашат од евентуално уништување на летната сезона, во летните коктели можете да уживате каде и да сте.

Двејн Џонсон, познат по прекарот “The Rock”, сподели хит рецепт за летен коктел, за предстојната сезона. Како што тврди, ова е пијалок што ќе го одбележи ова лето, а фактот дека необичниот коктел веќе ги освои социјалните мрежи потврдува дека ова е навистина точно.

“Watermelon Margarita” е врвниот летен освежителен пијалок, во кој лубеницата игра голема улога. Иако има различни рецепти за овој коктел, Рок го сподели својот фаворит.

За коктелот ви се потребни агава сируп, сок од лимета и неколку парчиња (коцки) лубеница. Мешајте сè заедно и додадете текила и мраз. Измешајте сè добро со помош на коктел шејкер и конечно уживајте во освежувачкиот вкус.