Еклери со пудинг од костен: Десерт што се топи во уста!

Костените ни се на секој чекор, затоа е штета да не ја искористите сезоната и да направите некој десерт. Овие извонредни еклери ќе го израдуваат семејството или гостите, и по вкус и по изглед.

Состојки:

Тесто: 100 гр брашно, 4 јајца, 100 гр путер

Фил: 2 жолчки, 50 гр шеќер, 25 гр брашно, 2 и 1/2 дл млеко, 1/2 лажиче екстракт од ванила, 200 гр пире од костен, 100 гр бело чоколадо

Подготовка:

Чекор 1: Сварете 2,5 дл вода со путер. Додадете брашно и малку сол, мешајќи ќе добиете мазна смеса. Кога ќе почне да одлепува од страните на садот, тргнете го од оган и постепено мешајте додавајќи ги јајцата. Смесата наполнете ја во шприц со продолжеток од 1 см.

Чекор 2: Стиснете го тестото врз плех обложен со хартија за печење, во стапчиња долги 7 см со многу простор помеѓу нив. Посипете ги со вода и печете околу 20 минути на 180 ° С. Потоа намалете ја температурата на 150 ° C и печете уште 10 минути додека тестото не пожолти. Изладете го и исечете ги по должина, не до крај.

Чекор 3: Изматете ги жолчките и шеќерот додека не станат пена и измешајте го брашното. Останатиот шеќер и млеко ставете ги да зовријат. Истурете зовриено млеко во жолчките, мешајќи, додајте ванила и вратете се на оган. Кога ќе зоврие, варете уште 2 минути. Кога пудингот малку ќе се олади, измешајте го со пасираните костени. Со помош на шприц наполнете ги еклерите и прелијте ги со растопено бело чоколадо.