Велигденски десерт кој освојува: Полнето чоколадно јајце за само 20 минути (ВИДЕО)

Ова е вистински Велигденски десерт. Толку e едноставен да се подготви, а неговиот кремаст вкус ќе ве воодушеви.

Состојки:

• 12 балони
• 150 гр млеко чоколадо
• 300 гр маскарпоне или друго крем сирење
• 1/2 чаша шеќер во прав
• 1/2 чаша неутрална павлака
• 1 лажица екстракт од ванила
• прстофат сол
• малку ладен џем од кајсија

Подготовка:

Садот покријте го со хартија за печење. Чистите балони надувајте ги во форма на јајца (не треба да бидат големи). Потоа стопете го чоколадото и вметнете ги балоните во нив. Ставете ги во сад за печење и кога сите балони ќе ги вментете во чоколадо, ставете ги во замрзнувач околу 15-20 минути за да се стврдне чоколадото. Во меѓувреме, во друг поголем сад ставете крем сирење, шеќер во прав, неутрална павлака и екстракт од ванила. Потоа сето тоа измешајте го заедно со миксер. Кога ги вадите балоните од замрзнувачот, отсечете ги врвовите и нежно извадете ги балоните од чоколадото. Во секое чоколадно јајце ставете неколку лажици мешавина од кремсирот и на врвот ладен џем од кајсија. Ако џемот од кајсија почне да се излива, замрзнете го уште 10 минути за да се зацврсти.