За денешниот ручек, ви предлагаме брзи тестенини со тиквички и пушен лосос (РЕЦЕПТ)
Кога сакаме брз и вкусен оброк, честопати посегнуваме по тестенини и веруваме дека ситуацијата е слична и со вас. Тестенините се одличен извор на јаглени хидрати, а ако ги комбинирате со нискокалорична и квалитетна храна како тиквички и лосос, ќе добиете совршен и добро избалансиран ручек. Тиквичките содржат растителни влакна и лесно се варат, додека лососот е одличен извор на протеини и омега-3 масни киселини. Затоа нашиот предлог за ручек денес е комбинација од овие три намирници.
Претежно пушениот лосос се подготвува на бело, со крем за готвење, но нашиот предлог денес е тестенини со пушен лосос и тиквички. Љубителите на оваа риба сигурно ќе бидат воодушевени од овој рецепт, а се надеваме дека ќе им се допадне и на оние кои не се премногу воодушевени од рибите.
Состојки:
500гр свеж домат
500гр тиквички
200гр димен лосос
50гр маргарин (или маслиново масло)
350гр шпагети
2 чешниња лук
Неколку ливчиња свеж босилек
Сол
Бибер
Пармезан
Подготовка:
1. Измијте ги и исечете ги доматите на половина, па ставете ги во тенџере. Истурете 1 дл вода, покријте и штом проврие, варете 5 минути. Притиснете ги доматите со шпатула за да направите кората полесно да се долепи подоцна.
2. Изгаснете го огнот, извадете ја кората и испасирајте ги доматите со алатка за правење пире од компири. Тргнете ги настрана.
3. Измијте ги тиквичките и исечете ги на тенки ленти со помош на нож за лупење зеленчук. Ставете ги едни на други и исечете ги на ленти.
4. Исечете го пушениот лосос на парчиња.
5. Сварете вода во поголемо тенџере, додадете сол и ставете да варат тестенините.
6. Се топи путерот во тава на средна топлина (може да користите и маслиново масло). Додадете го пушениот лосос и пржете две минути.
7. Додадете го ситно сецканиот лук и само кратко промешајте. Додадете ги тиквичките и продолжете да пржите мешајќи околу 5 минути.
8. Додадете ги претходно испасирани домати, сол, бибер, босилек и продолжете да готвите само неколку минути.
9. Кога ќе се сварат тестенините, земете 2 дл скробна вода и истурете ја во сосот. Исцедете ги тестенините. Оставете го сосот да проврие кратко, а потоа додадете ги тестенините и измешајте добро.
Поросете со рендан пармезан пред да сервирате.