За љубителите на РИБА и ТЕСТЕНИНИ: Њоки со брокула и лосос во кремаст сос (РЕЦЕПТ+ВИДЕО)
Сите ја знаеме познатата реченица: Појадокот изедете го сами, ручекот поделете со пријателите, а вечерата дајте ја на непријателите.
Искрено, не сме сигурни дека овој ручек би го поделиле со било кого.
Шала на страна, њоките со брокула и лосос се лесен оброк кој ќе ги воодушеви љубителите на риба и тестенини.
Кога е во прашање делењето со некого, за тоа сепак, ќе морате сами да одлучите.
Состојки:
150 g брокула
500 g њоки
маслиново масло
200 g лосос
70 g маслинки
сол
1 лажичка оригано
250 ml павлака за готвење
2 чешниња лук
Подготовка:
Њоките ставете ги да се сварат, а за тоа време подгответе го сосот. Лососот исечете го на коцки и пропржете го на маслиново масло. Додадете ги маслинките, брокулата и павлака за готвење, а потоа додадете го и ориганото. Лукот истолчете го и пропржете уште пет минути за сите состојки да се соединат. Со сосот прелијте ги њоките. За полесна подготовка погледнете го видеото: