За викендот воодушевете се со азиски вкусови : Фино говедско месо од вок тава (РЕЦЕПТ)
20 декември, 2020
Променете ја аромата на вашата кујна и направете традиционално кинеско јадење од вок тава овој викенд. Говедско месо, многу зеленчук и фин сос е комбинација на протеини, витамини и ароми што ќе ве стоплат и заживеат
Состојки:
150гр пиперки
150гр морков
100гр грашок од конзерва
350гр говедско месо
Соја сос
2 млади кромиди
½ лажичка шеќер
1 парче ѓумбир
Масло
Сол
Бибер
Чили
Подготовка:
- Исечете го говедското месо на тенки парчиња и пржете на масло во вок тава.
- Кога месото е скоро печено, додадете кромид, пиперки и моркови исечени на ленти и пржете уште неколку минути.
- Измешајте сос од соја, рендан ѓумбир, шеќер, густин и малку вода.
- Прелијте преку месото и зеленчукот и покријте го.
- Динстајте кратко додека зеленчукот не омекне, но остане ал денте.
- Додадете сол и бибер, промешајте го грашокот и послужете го со ориз или тестенини.