Подпечена брокула со сланина и пармезан (РЕЦЕПТ)
Замислете го тој прекрасен мирис што се шири низ кујната додека во рерната се печат брокули прекриени си сланина, а подоцна се поросува со пармезан! Дури и најпребирливите го сакаат ова вкусно јадење
Состојки:
1кг брокули исечени на половина
30гр мешавина од зачини (оваа мешавина можете и сами да ја направите, рецептот е подолу)
¼ шоља маслиново масло
1 лажица паста од лук (или лажичка лук во прав)
1 лажичка пиперка
8 парчиња сецкана сланина
3 лажици пармезан
Подготовка:
Загрејте ја рерната на 220 степени. Додека се загрева, започнете со подготовка. Во голем сад, измешајте ги сите состојки, освен пармезанот.
Префрлете ги во плех за печење и печете 25 минути до половина час. На крај, извадете од рерна и посипете со пармезанот додека е сè уште жешко, пренесува kitchenfunwithmy3sons.com
Рецепт за мешавина од зачини:
½ шоља мелена пиперка
2 лажици сув магдонос
1 чажица сушени пиперчиња
2 лажички лук во прав
2 лажички кромид во прав
1 лажичка сув копар
1 лажичка сол
1 лажичка мелен црн бибер