Здраво и вкусно: Пробајте го ова вкусно и едноставно италијанско јадење по рецептот на Џејми Оливер (РЕЦЕПТ)
Специјалитет на познатиот британски готвач Џејми Оливер се едноставни јадења за кои не се потребни посебни кулинарски вештини.
Џејми Оливер е секогаш среќен што се враќа на рецептите инспирирани од италијанската кујна, а едно од неговите омилени секако е вкусно јадење со јајца и зеленчук, фритета, што, како што вели, со задоволство го подготвува за семејството и пријателите.
Оливер го сподели својот рецепт за ова јадење што може да биде совршен оброк за пр. појадок, бранч, вечера…
Подготовката е многу едноставна, а можете да комбинирате различни видови зеленчук.
Состојки (за 4 лица):
8 јајца
Зеленчук (кељ, млада блитва, спанаќ, грашок)
Рикота сирење
Маслиново масло
Лимонов сок
Подготовка:
Лиснатиот зеленчук добро измијте го, исечкајте го и ставете го во тава, а за малку да се отпушти може да го ставите во топла вода или нежно да го загреете во тава за една минута или две и да го скршите замрзнатиот грашок.
Зеленчукот зачинете го со сол, бибер и маслиново масло, додадете го сокот од лимон и измешајте сè со прстите за да стане сочно.
Скршете ги јајцата во сад, измешајте ги со лажица и изматете ги не премногу, туку „на половина“.
Потоа загрејте го маслиновото масло во тава, додадете ги јајцата, зеленчукот и парчиња сирење рикота.
Додадете рендан пармезан и може да зачините со рузмарин или жалфија, на пример, во која ќе ставите малку масло за подобар вкус. По печењето на оган, префрлете ја тавата во рерна. Кога е готово, исечете ги на парчиња и послужете на пр. со маслинки или сушени домати.
И добарр апетит!