25 милиони жители, а за сега само 3 нови случаи на корона – како е тоа можно?

25 мај, 2020
Насловна

Додека Шпанија, по тримесечна жестока борба со епидемијата на коронавирус, сè уште има стотици мртви, над 1.000 луѓе умираат секој ден во Соединетите држави, ситуацијата во Јужната хемисфера е нешто поинаква.

Земјата, која има нешто помалку од 25 милиони, има само три нови случаи на САРС-КоВ-2 вирус во последните 24 часа.

Во цела Австралија, хоспитализирани се само 33 лица, а пет пациенти се на интензивна нега.

Три ново заразени лица доаѓаат од Квинсленд, Нов Јужен Велс и Викторија, а од 6 март досега не се регистрирани такви позитивни статистики во Австралија за еден ден.

Неодамна, најавено е олеснување на мерките, отворање на салони за убавина и спортски сали, а наскоро ќе бидат отворени кафулиња и ресторани. Кон средината на јуни ќе бидат дозволени малку повеќе масовни собири, но не повеќе од 20 лица.

Иако резултатите се повеќе од задоволителни, на северот и западниот дел на земјата, локалните власти не се откажуваат од одлуката да ги задржат границите, кои се затворени од 20 март, за некое време.

Според експертите, овие рестриктивни мерки се исто така клучни за успехот на Австралија во борбата против епидемијата.

Првиот случај на коронавирус во оваа земја е регистриран на 25 јануари, а нула пациент е човек кој престојувал во Вухан. Од почетокот на епидемијата, заразени се 7.114 лица, излечени 6.508, а 108 починати, што значи дека во моментов има приближно 500 активни случаи.