Француската компанија се предомисли: САД нема да имаат предност во набавка на вакцини

15 мај, 20200
Naslovna

Францускиот фармацевтскиот гигант Санофи го повлече своето тврдење дека ќе му даде приоритет на американскиот пазар кога станува збор за вакцини против коронавирус по бројните критики во јавноста.

Главниот извршен директор на компанијата, Пол Хадсон, пред неколку дена изјави дека САД имаат право на најголема пред-нарачка  затоа што земјата вложила многу средства во нивното истражување и со тоа најмногу ризикува.

Францускиот премиер Едуард Филип тогаш рече дека сите ќе имаат еднаков пристап до вакцината и дека не е отворена за преговори.

Еден од луѓето од администрацијата на Санофи, Серж Вајнберг, го потврди таквото тврдење.

„Сакам да бидам потполно јасен, ниту една земја нема да има предност пред другите во набавките за вакцини“, изјави Вајнберг за телевизија Франс 2, додавајќи дека зборовите на извршниот директор на Хадсон биле искривени во јавноста. Францускиот министер за здравство Оливие Веран во четвртокот изјави дека разговарал со Хадсон и дека е „смирен“ по разговорот. „Верувам, колку што разбрав, дека тоа беше несмасна реченица и можеби е извадена од контекст, и јас сум прилично смирен по разговорот“, рече Веран за телевизијата „C News“.

Leave a Reply

Your email address will not be published. Required fields are marked *