Хрватски експерт за Џоковиќ: Кој не сака вакцина – не игра!

9 мај, 2020
Насловна

Врвните спортисти ќе треба да се вакцинираат доколку сакаат да се натпреваруваат.

Лекарот на светскиот фудбалски вице-шампион на Хрватска и член на здравствената комисија на УЕФА, Зоран Бахтијаревиќ, оцени дека „антифашизмот и вакцините се најголемите достигнувања на 20 век“, и дека оние кои не сакаат да се вакцинираат против коронавирус, нема да можат да играат професионален спорт.

Ова е став што не го сакаат сите професионални спортисти, вклучително и Новак Џоковиќ и Дејан Ловрен.

“Факт е дека вирусот го промени нашиот живот и ќе го промени нашиот спорт сè додека не најдеме вакцина против коронавирусот. Не сакам да слушнам дека оваа пандемија се споредува со грипот, затоа што не знаеме дали коронавирусот ќе биде сезонски како грипот или САРС кој ќе трае и година дена.

 „Ние мора да се придржуваме кон сите мерки на претпазливост, не смееме да се опуштиме“, рече Бахтиаревиќ за Индекс.

„Штом вакцината е достапна, ние ќе ја искористиме за да ги заштитиме најризичните групи, постарите граѓани и луѓето кои многу патуваат по природа на својата работа, а во нив секако се вклучени и спортисти“, додаде тој.

Во Франција, Холандија и Белгија првенството е суспендирано, додека Германија, Италија, Шпанија и Англија имаат намера да ги продолжат. Дали натпреварите во УЕФА ќе бидат редовни заради различни ситуации во европските земји?

“Овие се индивидуални решенија, кои се пред се на одговорност на владата и професијата. УЕФА не одлучува за продолжување на натпреварот, туку дава препораки … Во организација на фудбалот по короната, сите ќе мораат да бидат флексибилни. Кога ќе кажам после короната, мислам на периодот кога ќе ја имаме достапна вакцина “, рече Бахтиаревиќ.

Не е мал бројот на спортисти кои се спротивставуваат на вакцините. Најголемото име меѓу нив е секако Новак Ѓоковиќ, но против тоа зборуваа и Дејан Ловрен и Марат Сафин.

„Не сакам да зборувам за нивните мотиви. Има родители кои одбиваат вакцина, но јас лично сметам дека заедно со антифашизмот, вакцината е најголемото наследство на 20 век … Децата умираат од болест за која со децении сметавме дека е искоренета. Овој проблем треба да се дискутира и во спортот.  Тоа е политичко, здравствено и филозофско прашање “, рече докторот на репрезентацијата на Хрватска.

Д-р Бахтијаревиќ, исто така, направи интересна споредба.

„Слично е со анти-допинг тестовите, има спортисти кои се спротивставуваат на тоа, но тие не можат да се натпреваруваат во професионален спорт. Секој што не сака да се вакцинира во иднина нема да може да игра професионален спорт, тоа е мојот личен став и верба. Ние мора да го заштитиме здравјето на спортистите, тоа е предуслов за натпревар “, рече Бахтиаревиќ.