Повеќе оптимистички предвидувања: Вакцина за околу една година

14 мај, 2020
Naslovna

Вакцината против новиот вирус корона би можела да биде одобрена за употреба за околу една година според „оптимистичкото“ сценарио, беше објавено денес од агенцијата која одобрува лекови во ЕУ.

Европската медицинска агенција (ЕМА) ги извести 33-те центри за развој на лекови дека прави се што е можно за да се забрза процесот, рече Марко Кавалери, шеф на одделот за вакцини.

Тој додаде дека е скептичен и не верува дека секоја вакцина ќе биде подготвена за процесот на скрининг пред септември.

„Бидејќи развојот на вакцините започнува од празен лист хартија, ние оптимистички би можеле да кажеме дека ќе биде за една година од сега, односно на почетокот на 2021 година“, им рече Кавалери на новинарите.

Тој ја отфрли можноста за прескокнување на третата фаза од испитувањето со вакцините и рече дека треба да се осигура дека вакцината е безбедна и ефикасна.