СКАНДАЛ во Канада: Хомосексуалците исклучени од можноста за дарување крв…

За време на пандемијата на COVID-19, службениците за јавно здравство во Канада ги повикаа Канаѓаните да даруваат крв, но геј луѓето кои не апстинирале три месеци беа исклучени од тој повик. Пратеникот на Нова демократска партија (НДП) од Британска Колумбија, Рендал Гарисон го повикува премиерот Џастин Трудо да го исполни своето ветување и ветувањето на Либералната партија дадена во 2015 година, што се однесува на укинувањето на оваа забрана. Според Гарисон, оваа мерка ги дискриминира гејовите и бисексуалците, како и трансродовите луѓе.Тој верува дека забраната поттикнува хомофобија и трансфобија и ги стигматизира луѓето кои биле во долготрајна врска, како и самиот тој, и кои имаат ист партнер веќе 20 години, а сепак не можат да дадат крв.На веб-страницата на Хема-Квебек, непрофитна организација која снабдува крв во болници и други биолошки производи од човечко потекло во болниците, оваа мерка се објаснува со фреквенцијата на инфекција со ХИВ, што е многу поголема кај мажите кои имаат секс со мажи отколку кај општата популација. „Распространетоста на ХИВ е близу 15 проценти кај машката популација во споредба со помалку од 1 процент кај хетеросексуалци или лезбејки“, велат тие.

Забраната за донирање крв или плазма од страна на хомосексуалци беше воведена во 1992 година, по скандалот со крв во Канада, каде илјадници Канаѓани беа заразени со вирусот СИДА или хепатитис Ц, откако добија трансфузија на крв или производи од крв. На изборите во 2015 година, кои го доведоа на власт Џастин Трудо, Либералната партија вети дека ќе ја укине забраната за дарување крв на мажи кои имале секс со истите сексуални партнери.Оттогаш, Либералната партија, предводена од Трудо, потроши 3 милиони американски долари за истражување и спроведување на модел заснован на индивидуално однесување, а не на сексуална ориентација.На неговиот брифинг за печатот во петокот, Трудо беше запрашан зошто не го одржува ветувањето.

“Од почетокот, признавме дека треба да ги промениме протоколите за да дозволиме дарување на крв на секоја индивидуа. Затоа се инвестирани милиони долари во крвните служби на Хема-Квебек и Канада за да можат да направат истражувања, да ја направат анализата неопходна за нови мерки што би можеле да бидат усвоени “, рече Трудо.

Рандал Гарнисон ја повика федералната влада да ја укине забраната: „Постои недостаток на крв. Потребата за крв е многу поголема за време на пандемијата.Еден начин да се зголеми протокот на крв е да се укине забраната“, рече Гарисон.Премиерот Трудо призна дека сегашниот процес го дискриминира ЛГБТ заедницата.

„Се надеваме дека ќе објавиме некои добри работи во блиска иднина“, додаде тој.

Патем, законот за граѓански брак беше донесен во 2005 година, што претставува пресврт на правата на ЛГБТ популацијата, затоа што им овозможи на истополовите парови да стапат во брак каде било во Канада.