Европската унија забранува цигари со ментол

Забраната за цигари со ментол, денес стапи на сила во Европската унија, во понатамошен обид да ги обесхрабри младите луѓе да започнат да пушат.

Забраната за ароматизирани цигари и производи од тутун стапи во сила во 2016та година, но производите со пазарен удел од повеќе од 3 проценти – како цигари со вкус на ментол – до денес уживаа во исклучоците.

Регулативата е дел од Директивата на ЕУ за тутун, која беше донесена во 2014та година по напорни преговори, притисоци во индустријата и правни предизвици.

Директивата исто така бараше цигарите и производите од тутун да содржат уште појасни здравствени предупредувања и да покриваат 65 проценти од предната и задната страна од кутијата.

Правилата би требало да ја намалат стапката на пушење кај младите. Европската комисија соопшти дека пушењето е најголемата причина за предвремена смрт во ЕУ.

Во ЕУ, според комисијата, 26% од вкупното население и 29% од младите Европејци на возраст меѓу 15-24 години се пушачи.