И Меланија Трамп води битка со коронавирусот!
“Додека Центарот за контрола и превенција на болести продолжува да го проучува ширењето на коронавирусот, надлежните препорачуваат да носите заштитни маски на јавни места на кои е тешко да се спроведуваат мерките за социјално дистанцирање, а тоа се маркетите и амбулантите”, порачува првата дама Меланија Трамп, сопруга на американскиот претседател Доналд Трамп.
Првата дама споделила фотографија на која носи памучна маска, за разлика од нејзиниот сопруг кој одбива да носи маска, а со тоа таа е првиот член од Белата куќа кој јавно ја поддржал оваа мерка.
“Запомнете,носењето маска не го заменува социјалното дистанцирање. Тоа е само уште една мерка за да бидеме побезбедни” нагласила првата дама во видеото .
Претседателот Трамп бил негативен по две тестирања на Ковид-19, била тестирана и првата дама а наодот бил негативен.