Како човекот придонесе на ширење на корона вирусот

9 април, 2020
Naaslovna

Новата студија објавена во списанието Royal Society Proceedings B вели дека човечкото уништување, лов и тргување со живеалишта на диви животни го зголемува ризикот од појава на епидемии и пандемии на нови болести, јавува Би-Би-Си.
Коронавирусот САРС-КоВ-2 се смета дека потекнува од лилјак и дека другите диви животни, можеби панголини, играле улога во неговото пренесување на луѓето. БиБиСи наведува дека постојат силни индикации дека вирусот потекнува од тргувани диви животни. Како дел од студијата, научниците разгледале научни трудови кои се однесувале на преминот од животно на човек и ги споредувале со податоците за ризик од истребување собрани од Меѓународната унија за зачувување на природата (IUCN).

Откриено е дека дивите животни загрозени од истребување заради човечка активност имаат повеќе од двојно повеќе вируси што можат да предизвикаат заболување кај луѓето отколку животински видови кои се загрозени од други причини. Истото важи и за животните кои се загрозени поради загуба на живеалиштата. „Како што се намалува нивното природно живеалиште, дивиот свет доаѓа во близок контакт со луѓето“, изјави д-р Кристин Џонсон од американскиот универзитет во Калифорнија за Би-Би-Си.

“Дивиот свет ги менува локациите каде тие се прилагодуваат на антропогените активности и модификацијата на животната средина. Ова го забрза појавувањето на болести на животинскиот свет, зголемувајќи го ризикот од пандемија бидејќи светот е глобално поврзан преку трговија и патувања”.

Научниците долго време предупредуваат за човечки заболувања како што се САРС (тежок акутен респираторен синдром), МЕРС (Среден источен респираторен синдром) и ебола добиени од животни. Пандемијата на коронавирус повторно ја изнесе тезата дека здравјето на луѓето е поврзано со здравјето на животинското царство и планетата Земја како целина.

Џонсон вели дека пазарите каде се продаваат диви животни и каде луѓето доаѓаат во контакт со овие животни се скоро идеално место за заразување затоа што доаѓаат во контакт помеѓу видови кои немаат никаков контакт во дивината. Многу меѓународни организации бараат да се стави крај на трговијата со диви животни.

„Кога ќе се појави болест, тоа може да влијае врз сите нас. Треба да разбереме како нашите активности влијаат врз животната средина, да разбереме дека болеста е еколошко прашање и да најдеме начин да коегзистираат на одржлив начин.